Сот мүгедек әйелге мүгедектер арбасын жеткізіп бермегені үшін авиакомпаниядан материалдық және моральдық шығынды өндіруге көмектесті.
Арбасыз өз бетінше қозғалуға мүмкіндік бермейтін ауруға шалдыққан 2-топтағы мүгедек әйел емдік профилактикалық, сауықтыру және оңалту емдеу шарасын алу үшін Алматыдан Тайландтың Бангкок қаласына ұшып келді.
Ұшып кетер алдында әуежайдың жер үсті қызметі мүгедектер арбасын багаж ретінде өткізуін және оны ұшақ қонғаннан кейін жолаушыға қайта табыстайтынын айтты. Ұшақ Бангкок әуежайына қонған соң әйел жүк ретінде өткізген мүгедектер арбасының әуежайға келмегенін біліп, соның салдарынан қозғалыс құралынсыз қалып және бір апта бойы бөлмеден шыға алмай, сырттан көмек алуға тура келген.