Жолдың қарсы бетіне шыққаны үшін бір жылға көлік жүргізу құқығынан айрылды

Алматы қаласы мамандандырылған ауданаралық әкімшілік сотында Қаазақстан Республикасының  ӘҚБтК-нің  596 бабының 3 бөлігі бойынша азамат С.-ға қатысты әкімшілік істі қаралды.                                                                                                                                                                                                                                                                                                                                                                                                                                                                                                                           

14 тамыз 2017 жылы сағат 09.00 шамасында жүргізуші С. Алматы қаласы Алтынсарин көшесімен солтүстік бағытта Абай көшесінің қиылысында «Ютанг 6120» автокөлігімен жолдың қарсы бетіне шығып, екі жолақты сызықты кесіп өтіп, жолдың қарсы бетімен қозғалысты жалғастырған.

Сот отырысында С. өз кінәсін толық мойындады.

Сот қаулысымен   С. әкімшілік құқық бұзушы болып танылып,  әкімшілік жаза ретінде 1 жыл мерзімге көлік жүргізу құқығынан айыруға тартылды.

Қаулы заңды күшіне енген жоқ.