Ср, 26/07/2017 - 15:29
Алматы қаласы Бостандық ауданының №2 аудандық сотында Қазақстан Республикасының ҚК-нің 188 бабының 1 бөлігімен (ұрлық) айыпталған С-ке қатысты қылмыстық іс қаралды.
Сотпен анықталғандай, 2017 жылғы 9 маусым күні сағат 12.00 шамасында С. өзінің туысқаны А-ның үйінде осы уақытқа дейін тұрып келіп, отбасылық ұрыс-керіске байланысты, Алматы облысына уақытша кету үшін өзінің заттарын жинап жатқан. Алайда, сол сәтте С-тің ойына А-ға тиесілі ақшалай қаражатты жасырын жымқыруға бағытталған қылмыстық пиғылы пайда болған. Соңынан, үйде ешкімнің жоқ екенін пайдаланып, қылмыстық пиғылын соңына дейін жеткізу мақсатында А-ның жатын бөлмесіне бет алып, сол жерден А-ға тиесілі ақшалай қаражатты іздеген. Жатын бөлмеде болып, ақшалай қаражат және жеке заттары жатқан қорабшаны ашып А-ға тиесілі 130000 теңге ақшаны алып, оқиға орнынан ғайып болған.
Сот қаулысымен Қазақстан Республикасы Қылмыстық Кодексінің 188 бабыының 1 бөлігімен айыпталған С-ге қатысты қылмыстық ісі ҚК-нің 68 бабының 1бөлігімен жәбірленушінің сотталушымен татуласуы негізінде медияция тәртібінде қылмыстық жауаптылықтан босатылып өндірістен қысқартылды.
Қаулы заңды күшіне енген.