Алматы қаласының мамандандырылған ауданаралық экономикалық сотымен РММ-сі жауапкер «А» ЖК-ін мемлекеттік сатып алудың жосықсыз қатысушысы деп тану туралы арызы бойынша азаматтық іс қаралды.
Іс материалдарынан анықталғандай, баға ұсыныстарын сұрату тәсілімен мемлекеттік сатып алу қорытындысы туралы хаттама негізінде лот бойынша «А» ЖК-рі жеңімпаз болып танылды.
Талапкер мен жауапкер арасындағы өзара құқықтық қатынастар мемлекеттік сатып алу келісім шартынан туындаған. Келісімнің шарттары бойынша, жеткізіп беруші келісім шарттың қосымшасында көрсетілген шарт, талап және бағасы бойынша тауарды жеткізуге міндетті, ал тапсырыс беруші келісімнің шарттары негізінде тауарды қабылдап төлемін жасауға міндеттенген, жеткізіп беруші келісім шарт бойынша өз міндеттерін тиісті орындаған жағдайда.
Келісімнің шарттары мен қосымшаларына сәйкес, жауапкер өсімдік түрінің материалдарынан жасалған 2000 дана сыпырғыш жалпы сомасы 672 000 теңгеге жеткізіп беруге міндеттенген. Тауарды жеткізіп беру мерзімі келісім шартқа қол қойған сәттен 16 күнтізбелік күн ішінде.
Сонымен, сотпен негізді түрде анықталғаны, осы уақытқа дейін тауар жеткізілмеген.
Келісім шарттың 5.3 тармағында көзделген, жеткізіп берушімен тапсырыс берушіге техникалық сипаттамада көрсетілген талаптарға сәйкес тауарды жеткізген кезде ғана тауар жеткізілген болып саналады.
Сот шешімімен РММ-нің талап арызы қанағаттандырылды.
Шешім заңды күшіне енді.