Сот қолхат бойынша қарыз сомасын өндіру туралы талапты қанағаттандырды

Алматы қаласы Медеу аудандық сотында талапкер О.О.  жауапкер Р.О.-тан қолхат бойынша қарызды өндіріп алу туралы азаматтық ісі қаралды.

Азаматтық істің материалдарына сәйкес, талапкер қарызды өндіру туралы талап арызымен сотқа жүгінген, 2014 жылдың 04 мамыр айында талапкерден жауапкер қолхат негізінде 230 000 теңге ақшалай қарыз алған. Алайда, жауапкер келісілген мерзім ішінде қарызды қайтармаған.

Талапкердің сенім хат бойынша өкілі соттан жауапкерден талапкердің пайдасына 230 000 теңге сомасын өндіруді сұрады.

ҚР АК 7 бабына сәйкес, азаматтық құқықтар мен мiндеттер заңдарда көзделген негiздерден, сондай-ақ азаматтар мен заңды тұлғалардың әрекеттерiнен пайда болады, өйткенi ол әрекеттер азаматтық заңдарда көрсетiлмегенiмен, олардың жалпы негiздерi мен мәнiне байланысты азаматтық құқықтар мен мiндеттердi туғызады.

ҚР АК-нің 272 бабына сәйкес, мiндеттеме - мiндеттеме шарттары мен заң талаптарына сәйкес тиiсiнше орындалуға тиiс, ал мұндай шарттар мен талаптар болмаған жағдайда - iскерлiк қызмет өрiсiндегi әдеттегi құқықтарға немесе әдетте қойылатын өзге де талаптарға сәйкес орындалуға тиiс.

Сот азаматтық істі қарап, талапкердің талап-арызын толық қанағаттандырды.

Шешім заңды күшіне енді.