Ұңғыманы (скважина) пайдалануды уақытша тоқтату

Алматы қаласының мамандандырылған ауданаралық экономикалық сотымен талапкер «Алматы қаласы Алатау ауданы тұтынушылардың құқығын қорғау» ММ-нің жауапкер «Ақниет Алғабас» ӨК-нің ұңғыманы пайдалануды уақытша тоқтату туралы талап арыз бойынша азаматтық іс қаралды.

Азаматтық іс материалдары негізінде, ұңғыманы санитарлық-эпидемиологиялық зерттеу нәтижесінде «Санитарлық-эпидемиологиялық талабы су көздеріне, шаруашылық-ауыз су  суымен жабдықтау және мәдениетті-тұрмыстық суды пайдалану және су объектісінің қауіпсіздігі» санитарлық ережелерді бұзғаны анықталды.

Сот талап арызды қанағаттандыру туралы шешім шығарды, себебі ҚР «Ұлт денсаулығы және денсаулық сақтау жүйесі» заңы, санитарлық ережелер талабы бұзылған.

Сот шешімімен талап арыз қанағаттандырылды.