Ср, 23/08/2017 - 13:52
Алматы қаласы Алмалы ауданының №2 аудандық сотында талапкер К.-нің жауапкер «С.И.» Сақтандыру компаниясы» АҚ-нан сақтандыру төлемін өндіру бойынша азаматтық ісі қаралды.
Талапкер К. өз кезегінде «Мерседес Бенц» автокөлігінің меншік иесі болып табылады.
Іс құжаттарынан анықталғандай, К. 29.09.2016 жылғы жол-көлік оқиғасымен байланысты оның құқығы мен мүдделерін білдіру үшін сенім ауысу құқығымен Т. – ға 06.10.2016 жылғы сенімхатты берген.
Өз кезегінде Т. 10.05.2017 жылғы сенімхаты бойынша 29.09.2016 жылғы жол-көлік оқиғасымен байланысты К.-ның құқығы мен мүдделерін білдіру үшін Ж.-ға сенім ауысты.
Іс материалдарынан, 19.09.2016 жылғы Алматы қаласы мамандандырылған ауданаралық әкімшілік сотының қаулысынан жол – көлік оқиғасының 2016 жылдың 29 шілдесінде болғанын көреміз.
Жоғарыда көрсетілген сенімхаттың негізінде талап арызға талапкер К. –ның өкілі Ж. арқылы қол қойылған, оған сай 29.09.2016 жылғы жол – көлік оқиғасының бойынша К –ның мүдделерін білдіруге сенім ауысқан.
Демек, Ж. – ның атына жазылған сенімхатта 29.07.2016 жылғы жол – көлік оқиғасына байланысты К. – ның атынан қол қою және талап қою арызын беру құқығы жоқ.
Мұндай мән-жайларда, К.-ның талап арызы қараусыз қалдыруға жатады, себебі АПК-ның 279 бабының 3 тармағында, талап қою арызына қол қоюға және оны беруге өкілеттігі жоқ тұлға қол қойса немесе оны берсе, сот арызды қараусыз қалдырады.
Соттың ұйғарымымен талап арыз қараусыз қалдырылған.
Ұйғарым заңды күшіне енбеген.