жм, 25/08/2017 - 11:57
Алматы қаласының мамандандырылған ауданаралық экономикалық сотында талапкер «KT» жауапкер «Алматы қаласының спорт құрылыстары дирекциясы» мемлекеттік фондынан қарыз сомасын өндіру және орындалған жұмыс актісін жарамды деп тану туралы азаматтық істі қарады.
Мемлкеттік сатып алу шартында көрсетілмеген жұмысқа жауапкер орындалған жұмыстар үшін төлем жүргізбеді. Оған электрондық хат алмасу дәлел. Қосымша жасалынған жұмыс актісіне қол қойылмаған.
Талапкер мен жауапкер арасындағы қарым қатынастары 2016 жылғы 30 желтоқсан айында мемлекеттік сатып алу туралы шарты бойынша пайда болғандығы сотпен анықталды. Мемлекеттік сатып алу туралы шарттың талаптары толық көлемде орындалды, жұмыс нәтижесі тапсырыс берушімен қабылданды, 6 596 800 теңге көлемінде төлем төленді. Төленген төлем 2017 жылғы 10 ақпан айындағы № 6 орындалған жұмыс актісімен дәлелденеді. Тараптардың бір біріне наразылығы жоқ.
Мемлекеттік сатып алу туралы заңының 45 бабы 3 бөлімінде көрсетілгендей, тауар жеткізуші басқа да жағдайлардың өзгертілмеуі сатып алу туралы бекітілген келісім шартқа негізі болып табылады.
Тараптар арасында көрсетілген сомаға келісім шарттағы өзгертулер мен қосымшалар туралы келісім бекітілмеген, талапкермен орындалған жұмыс көлемі көтерілмеген.
Бірақ, талапкер өзінің ойы бойынша 2 752 909 теңгеге жауапкер алдында өз еркімен жұмысты орындады.
Сот талап арызды қанағаттандырусыз қалдырды.
Сот шешімі заңды күшіне енді.