Сот шешімімен талап арыз қанағаттандырылды

Алматы қаласының Медеу аудандық сотында талапкер «Н» ЖК жауапкер А.-дан қарызды өндіру туралы талап арыз қаралды.

Азаматтық істің құжаттарынан, 01 қаңтар 2015 жылы «Н» ЖК және А. арасында қосымша жалға беру шартын жасаған, қосымша шартқа сәйкес «Н» ЖК сауда орнын уақытша пайдалануды беруге міндеттенді, сол орынға А. адал келісім шарттарын төлеуге міндеттенді.  

Бірақ, А. бөлмені пайдаланғанымен, жалға алғаны үшін айлық төлемдерді төлеу бойынша міндеттерін орындамаған.

ҚР АК 540 бабының 1 бөлігіне сәйкес, мүлiктік жалдау (жалға алу) шарты бойынша жалға берушi жалға алушыға мүлiктi ақы төлеп уақытша иеленуге және пайдалануға беруге мiндеттенедi.

Соттың шешімімен талап арыз  қанағаттандырылды.

Шешім заңды күшіне енген жоқ.