Бс, 20/03/2014 - 16:36
Бүгін, 20 наурыз күні, Алматы қалалық сотының төрағасы Ақжан Жайлауханұлы, сот саласында қызмет атқарып жүрген әріптестерін 22-наурыз мейрамымен құттықтап, «Ұлыстың ұлы күні 22-наурыз босағамызды аттағалы тұр. Бұл бір-бірімізге деген ренішті ұмытып, табысатын кез. Жарқын өмірдің бастамасы болып саналатын осы көктем мерекесі барлығыңыздың отбасыңызға мол қуаныш пен бақыт алып келсін. Жұмыстарыңыз жемісті болсын» деген тілегін білдірді.
Сондай-ақ, осы мерекеге сүйене отырып, Ақжан Жайлауханұлы өз қызметкерлерін алғыс хаттармен марапаттады. Ерен еңбегі үшін Алматы қалысының қылмыстық істер жөніндегі мамандандырылған ауданаралық сотының судьясы Ертарғын Рахымұлын «ІІ-дәрежелі Сот жүйесінің үздігі» төс белгісімен, Алматы қалалық сотының судьялары Клара Малдыбайқызы мен Ирина Николаевна сынды судьялары алғыс хаттармен марапатталды.
Алматы қалалық сотының Баспасөз қызметі