Сотпен сақтандыру төлемін өндіру қанағаттандырылды

Алматы қаласының №2 Әуезов аудандық  сотында, талап қоюшы «Н» СК АҚ-ның жауапкер У-дан сақтандыру төлемін өндіру туралы талап арызы бойынша азаматтық іс қаралды.

Талап қоюшы аталған талап арызбен сотқа келесідей уәждерге сүйене отырып жүгінген:  «Н» СК АҚ мен сақтанушы У-дің арасында оның азаматтық құқықтық жауапкершілігінің міндетті сақтандыру шарты сақтандыру полисы арқылы жасалған. 01 тамыз 2015 жылы  У. автокөлікті жүргізуші куәлігісіз жүргізе отырып, С-нің жүргізуіндегі автокөлігімен соқтығысқан. Оның нәтижесінде автокөліктерге залал келтірілген.

Жүргізуші «У»-дің кінәлілігі Алматы қаласының мамандырылған ауданаралық әкімшілік істер жөніндегі сотының ӘҚбтК-нің 610 бабының 3 бөлігі бойынша шыққан қаулысымен дәлелденген.

 Бағалау есебі бойынша автокөлікке 1 209 200 теңгеге залал келтірілген. «Н» СК АҚ аталған оқиғаны сақтандыру жағдайы деп санап С-нің мүддесіне 1 209 200 теңге сақтандыру төлемін жасаған.

Қазақстан Республикасының Заңының 22 бабының 5 тармағының 6 тармақшасына сәйкес - көлiк құралын жүргiзушi адамның көлік оқиғасы жасалған кезде оны жүргізуге құқығы болмаса Сақтандыру төлемiн жүзеге асырған сақтандырушы сақтанушыға (сақтандырылушыға) төленген сома шегiнде кері талап қоюға құқылы.

Сот шешімімен талап арыз қанағаттандырылды.

Сот шешімі заңды күшіне енген.