Құрал-саймандарды қайтару туралы талап арыз қанағаттандырылды

Алматы қаласы Жетісу аудандық сотында талапкер «P» ЖК  жауапкер  Б.-ға қатысты қарыз соманы өндіру және құрылыс саймандарын қайтару туралы  азаматтық  ісі қаралды.

2016 жылдың тамыз айының 20-жұлдызында Б.-мен  «P»   ЖК  арасында  құрал-саймандарды жалға алу туралы келісім жасалған,  келісімнің  1.1 тармағы бойынша жалға беруші құрал-саймандарын  толық көлемде  және уақытша қолдануға  ұсынған  болатын.

Жоғарыда айтылған келісім бойынша бағасы 432 000 теңгені құрайтын,  270 м²  құрылыс тақтайларын,  айына жалғау алу құны 54 000 теңгеге ұсынған  болатын.

Келісім қол қойылған сәттен бастап қазіргі күн аралықта  Б.-нен жалға алынған құрал саймандар үшін төлем жүргізілмеген  және жалға алынған мүлік қайтарылмаған.

Өз міндетін орындамағанына байланысты, жалға алынған құрал-саймандар үшін төлену керек төлем көлемі 7 айға 54 000 теңгеден есептегенде  378 000 теңгені құрайды.

Жоғарыда  айтылған мәліметтерді назарға ала отырып,  ҚР АПК-нің 221-222   баптарына сүйене отырып сот:

Сот шешімімен «P» ЖК-нің Б.-ға берген  қарыз соманы өндіру және  құрал-саймандарды қайтару туралы талап арызы қанағаттандырылды.

Сот шешімі заңды күшіне енген жоқ.